На небото трепкаат sвезди,
Штурците свират симфонија,
Во душта некој немир се вгнезди!
Ќе ја биде ли Македонија?
Соседите се нешто мрморат, бараат,
Негираат народ, јазик, историја…
Браќата меѓусебно се судат се караат,
Држава ли е ова, или територија?
Севезден олеснувачи и дипломати
Совети делат, услуги нудат,
Нови содржини во старите реферати:
За знаме, закон, устав, име и други чуда.
Народните рани болат, времето тече,
Македонско безредие,европска какофонија!
Кој ќе одлучи, ќе пресуди ќе рече:
Ќе ја биде ли Македонија?
Мора пред судбината да се исправиме,
Со труд и разум, со љубов, со хармонија,
Нашата вистина да ја одбраниме,
Татковино Ти си вечна, Да живее Македонија!
Пишува: Васил МАНЕВСКИ
