Подзапрете се, потргнете се
Потрчковци и подопашници
Погледнете се, засрамете се.
Доста се лепевте како мидери
Доста климавте празни глави
Исто како вашите квази лидери.
Трева не никнува каде стапнете
Упропостивте и села и градови
Ненаситни, се сакате да лапнете..
Не ги признаваме вашите додавки
Разделивте браќа, соседи скаравте
Не вредите ни колку прчогази мравки.
Постојат уште здраворазумни луѓе
Стамени, горди со карактери цврсти
Што свое бранат, а не сакаат туѓе.
Иде време, народот веќе се буди
За лагите и кражбите и злоделата
Сигурно знајте, некој ќе ви суди.
Васил МАНЕВСКИ
(Од стихозбирката АМАНЕТ)
