Пред многубројната битолска публика свој настап имаа Фредерик Легранд на виолончело, Марко Поп Ристов на виолина и Марија Вршкова на пијано.
На програмата беа изведени дела од француски класични композитори и тоа трио сонатата за виолина, виолончело и пијано од Jean Baptiste Loeillet, La bandoline за виолончело и пијано од F.Couperin, сонатата за виолина и пијано од F.Poulenc и за крај беше изведено триото за пијано, виолина и виолончело во Г дур од Debussy.
Публиката воодушевена од настапот на тројцата уметници, ги награди со долготраен аплауз, по што следуваше и краток бис.
Концертот беше реализиран во соработка со Француската амбасада во Македонија, Францускиот конзулат и Француската алијанса од Битола.
