Утринава на ѕидните на Самоиловата тврдина во Охрид, беше поставено огромно албанско знаме. Како што информира Република.мк четворица непознати сторители го развеале знамето на туѓа држава на оваа знамените туристичка атракција на втор ден Велигден, кога Охрид е полн со туристи.
Не е познат мотивот како и идентитетот на сторителите.
Ваков сличен обид беше направен во 2013 година во Охрид но тогаш институциите пред се полицијата реагираа соодветно и ваквиот инцидент беше санкциониран.
„Во Република Македонија Собранието има донесено закон за употреба на знамињата, државното знаме и знамињата на заедниците. Во него е определено дека на целата територија на Република Македонија во официјална употреба е државното знаме, а покрај државното во единиците на локалната самоуправа каде што покрај Македонците живее и друга заедница која е признаена со Уставот, а претставува најмалку 50% од населението се употребува и знамето на заедницата.
Според Законот за употреба на знамињата на заедниците во Република Македонија, знамето на Република Македонија мора да биде истакнато заедно со она на заедницата и од него да биде поголемо за една третина. Во член 8 од овој закон е наведено:
„Знамето на Република Македонија се истакнува со други знамиња согласно со закон и е со поголема димензија од една третина од другите знамиња.“
Според истиов закон, за прекршителите се предвидени казни во износ од 200 до 2000 евра во денарска противвредност.
