“23 март/5април, ден на загинување на Ѓорѓи Костов Сугарев (1879, Битола – 1906, Паралово, Мариовско), просветен деец, револуционер и војвода. Бил член, а потоа секретар и војвода на Битолскиот окружен комитет како и делегат на Смилевскиот конгрес на ТМОРО (мај 1903) каде е избран за горски началник на Пелистерскиот реон. Учествувал активно во Илинденското востание и на Прилепскиот подвижен конгрес (јуни 1904). Бил голем поборник за самостојност на ТМОРО и чистота на македонското ослободително дело заради што ја навлекол врз себе омразата на врховистичките експоненти на чело сo Петар Лигушев кои безмилосно ги ликвидирале оние кои им се испречиле на патот. Зaгинал со целата своја чета, убиен од турска потера, a предаден од врховистот Лигушев. Вечна слава.”
Фејсбук статус на Проф. Виолета Ачкоска
