Актуелната власт на СДСМ и ДУИ продолжува до нетранспарентноста во однос на најважните јавни политики кои што се однесуваат на зачувување на Македонскиот идентитет во стилот на доскорршните политики на Зоран Заев. Избегнувањето на новиот премиер Димитар Ковачевски пред македонската јавност да одговори во која насока одат преговорите со Бугарија се продлабочува на сите нивоа на власт во сферата на надлежности од надворешната политика.
Наместо дискусија и одговори за сите прашања од интерес на Македонските граѓани во врска со преговорите со Бугарија во парламентот, информациите се манифестираат делумично преку несоодветни канали на информирање со што јавноста во Македонија се доведува во заблуди и состојба на шпекулации.
Од тие причини претседателот на комисијата за надворешни работи во македонскиот парламент Антонијо Милошоски поднесе барање за јавна дискусија на овие прашања на седница на ова парламентарно тело до министерот за надворршни работи Бујар Османи.
“📌 Наместо детали за македонско-бугарските преговори, патокази и анекси да се дознаваат од пратеници или министри во Софија, добро е владата на оваа тема да прифати јавна дискусија во Собранието, како претставнички дом на сите граѓани, а во интерес на демократијата и државата. “
-соопшти во врска со ова барање пратеникот Милошоски
