Денеска на прес конференција од опозициската ВМРО-ДПМНЕ во Штип ги прозваа властите за расипничко и неодговорно трошење на буџетски пари на граѓаните, за поставен асфалт кој што само еден месец од поставувањето се распаѓа.
“Властите не само што скоро една година доцнеа со поставувањето на модуларната болница, туку пристапот до неа, го поплочиле со 696.200,00 денари. Да, добро слушнавте!
За кратката патека до модуларната болница СДС потрошиле околу 700.000 денари за асфалт, кој, како што можете да забележите се распаѓа само ако го допрете со гола рака. Односно, овој десетина метри асфалтиран пристапен пат, кој е направен пред само еден месец, не вреди ни денар од платеното!
Неквалитетниот 4 сантиметарски асфалт, поставен од компанија која активно соработува со актуелните власти е криминално дело, за кое во иднина некој ќе одговара.
И ако некогаш СДС во Штип ги мереше сантиметрите на поставен асфалт, сега и по спецификација самата предвидува само 4 сантиметарска асфалтна површина.
Но, оваа криминална постава која моментално ги води институциите, за кратко време ќе мора да се соочи со лицето на правдата и да одговара за направената штета. “
-соопшти Душко Иванов од Општинскиот комитет на ВМРО-ДПМНЕ Штип.
