Во своето неделно интервју за телевизија Сител, Претседателот на ВМРО-ДПМНЕ Христијан Мицкоски, во со повеќе поенти ги разобличи политиките на актуелната власт во државата предводена од СДСМ и Зоран Заев.
За најавеното за зголемување на даноците Претседателот Мицкоски вели дека единствен кој што ќе види бенефит од таа сметка е нормално државниот буџет, а се разбира ќе бидат осиромашени онаа категорија на граѓани кои што ќе добијат поголеми даноци.
-Придонесите за пензинско и здравствено осигурување исто така се зголемија за половина процент, а тука пак ќе имаме директно удар на ликвидноста на компаниите и на сите граѓани што значи дека оваа влада во отсуство на реална визија како понатаму да ја развива Република Македонија и да го полни буџетот одлучува повторно да удри по џебот на сите граѓани односно да го намали квалитетот на животот на граѓаните. Оваа патека без компас која ја диктира владата на СДСМ предводена од Зоран Заев навистина ја води во погрешна насока Република Македонија,
-потенцираше Мицкоски.
Во однос на нападите кон него како претседател на опозиционата партија тој вели дека доаѓаат од еден центар, а тоа е центарот за креирање на лаги и манипулации на СДСМ и истите претставуваат димна завеза за катастрофалните политики на партијата на власт.
– Во отсуство на реална визија како оваа држава треба да се развива понатаму најлесно е да отпочне нивниот центар за креирање на лаги и манипулации да креира лаги и манипулации кои што ќе бидат поврзани спрема Христијан Мицкоски како претседател на ВМРО-ДПМНЕ и соработниците кои што орбитрираат околу него. Категотички ги отфрлам, дури и не се ни вредни за било каква некоја посеризна анализа,
-рече Мицкоски.
Вклучувањето на Охридскиот рамковен договор во амандманите на уставот е неочекувана мерка на Зоран Заев бидејќи самиот тој неколку денови пред објавувањето на самите амандмани тој негираше такво нешто.
-„Јас очекувам една жестока критика на сето она кое што ќе биде предложено од страна на владејачкото мнозинство и од страна на Владата и во рамките на комисиската расправа а потоа и во рамките на собраниската расправа од страна на пратениците на ВМРО-ДПМНЕ и коалцијата за Подобра Македонија. Сето она кое што претходно го излажаа од страна на владеачкото мнозинство да биде демаскирано и презентирано пред македонската јавност да види со какви политичари има работа по кој знае кој пат, кои што едно зборуваа претходно, а друго всушност имплементираат на дело“
-рече Мицкоски.
Погледнете го продолжение краткото интервју на Претседателот на ВМРО_ДПМНЕ, во дневникот на Сител.
