Пратеничката Жаклина Пешевска денеска на прес конференција од Македонскиот парламент презентираше дел од концептот “Македонија за сите луѓе” со кој ќе ја бара довербата на граѓаните на претстојните избори.
Станува збор за обезбедување на поевтина струја за граѓаните, и гас како евтин енергенс за секое домаќинство во државата.
“Концептот „Македонија за сите луѓе“ ќе обезбеди поевтина струја, бесплатен приклучок на гас за домаќинствата и здрава животна средина.
-ВМРО-ДПМНЕ има план како да го продолжи животниот век на термоелектраните во Битола и Осломеј до 2040 година, тоа ќе значи поголемо производство на струја и поевтин енергенс за домаќинствата. Продолжувањето на животниот век на двете термоелектрани ќе ги зачува и работните места на илјадници вработени во двата комбината, кои нема да останат без работа, што ќе се случи ако СДСМ остане на власт. Со ВМРО-ДПМНЕ и ќе се зачуваат работни места и ќе има поевтина струја. Ќе ја смениме тажната реалност и тоа што во 21 век Македонија се уште нема гас за домаќинствата.
Таа додава дека во еден мандат општинските и градските власти од ВМРО-ДПМНЕ ќе обезбедат бесплатен приклучок на гас, а планот е и до 50% од домаќинствата да имаат пристап до овој енергенс за 4 години.
-Со воведување на гасот и исфрлање на тврдите горива за греење ќе се намали загадувањето на воздухот и ќе се подобри животната средина. Со концептот „Македонија за сите луѓе“ ќе ја развиваме Македонија”.
-соопшти пратеничката на ВМРО-ДПМНЕ Жаклина Пешевска.
