Претседателот на Општинскиот комитет на ВМРО-ДПМНЕ од Лозово, Бошко Цветковски во своја реакција упатена до јавноста го критикува “лицемерието” на градоначалникот на општина Лозово Ацо Велковски во врска со неговите “акции на популизам и лицемерие” за зачувување на животната средина
Лидерот на опозициската ВМРО-ДПМНЕ во Лозово покрај штетните постапки на градоначалникот Велковски во врска со заштитата на животната средина го посочува и за постапката за изградба на субјект во близина на семејните куќи во Лозово за справување со мрши на домашни животни.
“Почитувани,
Градоначалникот во заминување ,Ацо Велковски директ од ветената земја, по повод „Светскиот ден на животна средина“ повторно спроведува „Акција на Популизам и лицемерие“
1.Најпрво бевме сведоци како се сечат повеќегодишни дрва во кругот на општината за кои се сомневаме дека не била издадена дозвола за сеча,што по закон е кривично дело.
2.Никој не знае каде завршиле и за кои цели биле искористени пресечените дрва.
3.Се грижиш за животната средина но ги уништуваш белите дробови на природата…Лицемерно нели?
4.Садиш зимзелени дрва и половината од нив ти се суви бидејки никој не ги полевал со вода.
5.Диви Депонии имаш на секој чекор и воопшто не водиш грижа за нив.
6.Пречистителната станица за отпадни води ти е исклучена од употреба и предизвикуваш фекално загадување на огромна земјена и водена површина а притоа сеуште наплатуваш по 10 денари од кубик потрошена вода за одржување на канализационен систем како би работела истата.
7.Вршиш промена на индустриската зона од лесна незагадувачка индустрија во загадувачка и притоа во отсуство од Германија држиш предавања како се грижиш за животната средина?
Но знаете што е врв на лицемерието?! Тоа што сите сме сведоци како Градоначалникот на о.Лозово, Ацо Велковски без согласност од ГРАЃАНИТЕ и без ОДЛУКА на СОВЕТОТ на о.Лозово, на своја рака во четири очи прифатил изградба на Регионална Кафилерија во Општина Лозово. Истата ја претставува како индустриски капацитет за преработка на нуспроизводи од животинско потекло, но притоа во духот на „транспарентноста“ свесно премолчува пред граѓаните многу важни информации!
Кафилерија, почитувани граѓани е завод каде што се уништуваат мршите на пцовисани животни кај кои во 90% од евидентираните случаи ,смртта настанала од болест. Ако се земе во предвид дека бројот на грла добиток во Централниот и Источниот регион на Р.Македонија е драстично намален, наспроти Западниот, каде бележи постојан раст, со што ризикот од заразни болести во тоа подрачје е значително поголем, се прашуваме зошто се гради објект од ваков тип токму во Лозово, со што дополнително би се зголемиле трошоците за превоз на мршите од пцовисани животни.
Поради ова, се поставува прашањето дали Ацо Велковски, водел сметка за квалитетот на живот, здравјето на граѓаните и последиците кои можат да произлезат, кога прифатил изградба на објект од висок еколошки ризик или фокусот бил ставен само на висината на средствата предвидени за реализација на истиот?
Затоа ние, и поголемиот дел од граѓаните на Општина Лозово не се согласуваме со локацијата и изградбата на ваков објект во нашата општина од следните причини:-Бидејки е предвидено да се изгради на само неколку метри од домовите на граѓаните и во непосредна близина на Основното училиште М.М.Брицо.-Заради климатските услови во ова подрачје, особено розата на ветрови, кое би довело до ширење на непријатна миризба и канцерогени честички во воздухот, посебно за време на долгите и жешки лета.-Затоа што постои опасност од загадување на плитките подземни води, карактеристични за овој предел.-Поради големата опасност од ширење на заразни болести преку глодари и лешинари кои ке дојдат во контакт со заразените остатоци од мртви животни.-Бидејки постои реален сомнеж за несоодветно менаџирање на објектот, за кое никој јавно не говори и сл. Овој регион е познат по одгледување на житни култури и земјоделски производи кои во моментов се со одличен квалитет и барани на пазарот па затоа не би сакале истите да подлежат на можно загадување од објект кој припага во група на објекти со висок еколошки ризик, со што би била доведена во прашање егзистенцијата на граѓаните од евентуалната намалена побарувачка на земјоделските производи од овој регион! -Дали на Р.Македонија и е потребен толкав објект кој нема да биде рентабилен?
Зошто Источна Македонија да добие депонија за мрши, животински отпадоци и убиени заразени животни кои ке се носат од Грција,Бугарија,Косово и Албанија како што изјави директорот на АХВ?Зар животот на нашите деца не е повреден од евентуални идни 15 партиски вработувања?! Замислете само една епидемија на Балканот од некоја заразна болест кај животните и кога сите тие треба да завршат во оваа кафилерија?! И што ако истата се прошири и кај нас?!
П.С. Се гледа вашата грижа за граѓаните…Овие лицемерно популистички акции-НЕ ПРОАЃААТ!!
Одговорност ке има!!”
-стои во реакцијата на Претседателот на Општинскиот комитет на ВМРО-ДПМНЕ од Лозово
