Претседателот на ВМРО-ДПМНЕ Христијан Мицкоски пред малку упати остра реакција преку социјалните мрежи во врска со фактот дека во изминатото деноноќие во државата се забележани 62 нови случаи на заразени со корона вирусот.
Во продолжение во целост ја пренесуваме истата:
“Неопходно е итно консолидирање на системот. Бројката од 62 новозаразени од Ковид-19 предупредува дека имаме работа со втор бран и Комисија за заразни болести која делува под политички диктaт.
Не е време за партиски конфликти, туку робустна акција за заштита на здравјето на граѓаните. Одговорноста подразбира и лидерство. Здравјето мора да биде заштитено.”


