На јутјуб за пошироката публика е објавен видео записот за овогодинешната макфестовска песна “Да наздравиме” на Жарко Димоски.
Композитор на песната и автор на аранжманот е Валентино Скендеровски додека текстот на песната е на самиот пејач.
“Приказна за “артистите”… Oткако ќе се изгасат камерите и рефлекторите… Kога “sвездите” ќе останат сами пред огледалото со сите нивни радости и таги, кога маските ќе паднат, борбата со себеси, потрагата по музите, поставување на прашањето дали воопшто ова беше тоа или не…Оставам на гледачите сами да одлучат како таа “борба” завршува…”
-вели за самата композиција самиот Жарко Димоски.
Песната е со лесно впечатлив ритам и певлив рефрен, што на некој начин ја чини “заразна” за љубителите на модерниот поп звук.
