Ни разнебитија и држава и нација,
Секојдневно никнуваат нови афери,
Во име на европската интеграција.
Се богатат владините функционери.
Правдата кај нас е мислена именка,
Посебна приказна е Уставниот суд,
Кутрите судии страдаат од дремка,
Не се знае кој е паметен, кој е луд.
На функција може да дојде секој!
Не е важно да е способен, да е зналец,
Важно е да е од фамилијата на некој,
Транзициски олигарх, или струмичанец.
До кога ќе трае неподносливата aгонија?
На апсурдите чудни ќе им дојде ли крај?
Зар уште тоа ќе го трпи Македонија?
Дали татковината ќе блесне со нов сјај?
Пишува: Васил МАНЕВСКИ
(Македонските состојби)
