Општинскиот комитет на ВМРО-ДПМНЕ од Делчево соопшти дека актуелниот Градоначалник на Делчево, Горан Трајковски во јавноста се фали со проекти на претходниот градоначалник на Делчево од редовите на ВМРО-ДПМНЕ.
Притоа од ОК на ВМРО-ДПМНЕ ја алармираат јавноста дека Градоначалникот Горан Трајковски ја задолжува и така задолжената општина Делчево со нови речиси 33 милиони денари.
Во продолжение го пренесуваме во целост соопштението упатено до јавноста од страна на опозицијата во Делчево:
Горан Трајковски денеска ја задолжи Општина Делчево за нови речиси 33 милиони денари, кои ќе треба да ги враќааат неговите наследници 10 години по ред почнувајќи од 2022 година!!!
По којзнае кој пат денеска Горан Трајковски – Градоначалник на Општина Делчево во јавноста се пофали со проекти на ВМРО-ДПМНЕ и претходниот градоначалник на Општина Делчево.
Апликацијата за МСИП-2 повикот беше поднесена во 2016 година од страна на претходниот градоначалник, за проектите кои требаше да бидат финансирани преку оваа програма на Министерството за финансии на Република Македонија.
Поради опструкциите кои што тогашната опозициона СДСМ ги наметна во државата со нивните блокади на институциите, оваа програма беше замрзната и цели три години до денеска граѓаните не можеа да го видат бенефитот од овие проекти во нивното секојдневие.
Денеска Горан Трајковски без ни малку политичка доблест и коректност објавува во јавност т.н. “Убави вести” со кои тој потпишува договор за ЗАДОЛЖУВАЊЕ во форма на под-заем, на општина Делчево во износ од речиси 33 милиони денари кои што граѓаните треба да ги враќаат во наредните 13 години почнувајќи од 2022 година по завршување на неговиот мандат.КОЕ ЛИЦЕМЕРИЕ, КОЈА ДРСКОСТ И КОЈ БЕЗОБРАЗЛУК?
Наместо да ја раздолжува општината како што ветуваше во неговиот т.н. ПЛАН ЗА ЖИВОТ тој на контото на општината носи ново задолжување од речиси 33 милиони денари кои ќе треба да ги враќа неговиот наследник на функцијата Градоначалник.Вакво недомаќинско работење стана синоним за градоначалници на СДСМ во Делчево како што е примерот за периодот кон крајот на 90-тите години на минатиот век кога исто така беше Градоначалник на општината кадар на СДСМ со што беше направен основниот долг од кој денеска општината не може да се поврати во нормала.
Пред ваквото соопштение од страна на опозиционата ВМРО-ДПМНЕ во јавноста од страна на Градоначалникот Трајковски беше упатено известување со кое тој вели:
Денес имаме убави вести за Општина Делчево од Министерството за Финансии , ќе се реконструираат улиците „Вера Јоциќ“, „Маршал Тито“ и улица 7 во населба СРЦ
Денеска во Министерството за финансии со заменик министерката за финансии Ширет Елези преку Проектот за подобрување на општински услуги-МСИП, кој го спроведува Министерството за финансии со поддршка на Светска банка потпишавме договор за под-заем во износ од 32.252.287 денари.
Согласно со договорот ќе се реконструираат три улици во градот, две постојни и една земјена улица. Станува збор за улиците „Маршал Тито“, на потегот од касарната до Таушанско маало во должина од 743 метри, потоа улицата „Вера Јоциќ“ над гимназијата „М.М.Брицо“ во должина од 599 метри и улица 7 во населба СРЦ каде ќе се гради комплетно нова улица во должина од 290 метри.
Со реализација на овие проекти ќе се подобрат општинските услуги кои се даваат на граѓаните, а со тоа се обезбедуваат подобри услови за живот во општината.
Инаку, освен Делчево договори потпишаа и општините Тетово, Кочани, Брвеница, Бутел, Дебрца, Илинден, Кисела Вода, Гази Баба, Гевгелија и Чешиново Облешево за проекти со вкупна вредност од 165 милиони денари, од кои 136,8 милиони денари се заеми по исклучително поволни каматни, под 1%, додека 28 милиони се грант средства за општините.
-стои во соопштението на Градоначалникот
