Денеска екипи на Јавното претпријатие “Камена Река” од Македонска Каменица започна со реализација на проектот за изградба на нова водоводна и канализациона по должина на улицата “Миле Јаневски Џингар” во централното градско подрачје.
Градоначалникот Димче Атанасовски денеска беше на лице место на терен водејки сметка градежните работи да се одвиваат со посакуваната динамика за да не создаваат непотребни дополнителни проблеми на сообраќајот во овој дел од градот.
Реализацијата на овој проект е потребна за да се изврши целосна реконструкција на коловозот на улицата потоа како дел од воспоставување на нова пракса за планска реализација со најрационално користење на буџетските сретства.
“Јавното претпријатие “Камена Река” започна со изградба на нова водоводна и канализациона мрежа на улица “Миле Јаневски Џингар’ (фаза 2).
Наша тенденција е при изградба на секоја нова улица да се менува и старата и дотраена водоводна и канализациона мрежа. Проектите ќе се завршуваат во најкраток можен рок, за да граѓаните веднаш ги чувствуваат бенефитите.”
-информираше градоначалникот Атанасовски во врска со реализацијата на овој проект.
