Воопшто не е тајна дека мажите и жените се многу различни едни од други. Овие разлики ни прават нервоза и недоразбирање во меѓусебната комуникација. Ако одвоиме барем малку време за да се разбереме меѓусебе ќе заштедиме многу време и фрустрација и можеби ќе живееме сиде заедно во хармонија. За да им олесниме на сите жени еве неколку работи кои жените не ги забележуваат кај мажите.
Жените дневно поминуваат многу време пред огледалото, мислејќи дека шминката им е неопходна и дека на тој начин ќе му бидат поубави и попривлечни на партнерот. Вистината е дека мажите мразат премногу шминка. Тие ја сакаат природната убавина на жената.
Голем дел од жените мислат дека мажите се бесчуствителни. Иако мажите многу често се обидуваат да ги прикријат своите чувства, тие сепак имаат чувства,а и многу често плачат доколку се чувствуваат повредени или тажни. Од секогаш се сметало дека мажите треба да бидат цврсти и малите машки деца се учат да не бидат многу емоционални, со тоа што многу често ќе им речеме : ”Ајде биди маж”. Затоа мажите кога се во друштво на пријателите или фамилијата се однесуваат цврсти, а многу често знаат да ги исфрлат своите емоции кога се сами.
Мажите обожаваат да ја насмеат својата девојка/жена. Многу жени имаат замерка за мажите дека не го сфаќаат животот сериозно и им смета што постојано се шегуваат наоколку и со нив. Многу мажи сакаат да го најдат комичното во повеќето од ситуациите. Кога се чувствувате лошо или кога ќе дојдете дома после напорен ден на работа, тие обожаваат да ве насмејат и повторно да ја видат насмевката на вашето лице.
Заклучокот е дека мажите се многу едноставни суштества и многу едноставно може да ги разбетете.
