УСТАВЕН ЗА РЕФЕРЕНДУМОТ ВО ГЕВГЕЛИЈА!
Во среда (07.11.2018) Уставниот суд на РМ ќе одлучува за уставноста на Одлуката на Советот на Општина Гевгелија за одржаниот референдум против рудниците. Иницијативата е поднесена од Канадската компанија Ресервоар Минералс. Оваа компанија одлучила да го земе мирот и животот на сите Гевгеличани и од оваа рајска градина да направи пустина. Па зарем не им е јасна пораката од 99,9% од граѓаните дека рудници ќе нема во Гевгелиско? Народот како единствен суверен им рече дека рудници нема да отвара во Гевгелија. За жал оваа компанија, со помош на домашни платеници не ја почитува таа волја. Не сакаме да преудицираме, но од извори блиски на Уставниот суд имаме информација дека судот ќе ја поништи одлуката на Општина Гевгелија.
За ваша информација преку Општина Гевгелија до Уставниот суд е испратен одговор на 20 страни со детално образложение дека Одлуката на советот е законска и уставна со цитирање на сите членови сврзани со оваа материја. Законот и Уставниот се толку јасни, што Уставните судии не би требало ни да размислуваат и да ја одбијат иницијативата. Во спротивно ќе донесат одлука дека црното е бело. Да почекаме до среда, а потоа…
СИЛАТА Е ВО НАРОДОТ!!!
