Ние задоцнивме со побликацијата на оваа книга. Таа требаше да види бел свет уште минатата година. Причина за организациона карактер го спречи тоа. ( Објавувањето на книгата било планирано во 1925 година. Меѓутоа, поради тоа што задоцнило формирањето на ВМРО (об), пишувањето и објавувањето било одложено) .
Ние сакавме книгата да излезе од едно одговорно тело, кое да биде во состојба да говори во името на македонскиот народ. Тоа авторитетно тело е веќе коструирано. Тоа е ЦК на Внатрешната македонска револуционерна организација (Обединета).
ВМРО (Обединета), во која учествуваат сите чесни македонски револуционери, ги прифаќа принципите на Мајскиот манифест. Во својата декларација и во резолуцијата што ги прифати на костуктивната конференција од октомври 1925 година, таа ги изложени основното, своето гледиште спрема македонското прашање и ги посочи патиштата, начините и средствата за борба на македонскиот народ за негово ослободување.
Откако ВМРО (Обединета) ги публикува своите решенија и почна да работи среде народните маси во самата Македонија и среде Македонска емиграција и општеството мислење во странство, ние сакавме дека имаме право да излеземе со оваа публикација.
Во книгата, што ја објавуваме, ние ќе направиме еден преглед на настаните што се развија во Македонија и во нејзе соседите земји, во врска со македонското прашање.
Ние ќе укажеме на револуционерните усилби на македонскиот народ за негово ослободување, при што пошироко ќе се запреме врз улогата на бугарската влада и на нејзините македонски агенти.
Ќе ги разгледаме подробно настаните што се одвиваа по фашистичкиот преврат од 9 јуни 1923 година во зависност од македонското прашање. ( На таа дата најреакционерните сили на бугарската буржоазија по пат на државен удар ја срушија власта на Земјоделската партија на чело со Александар Стамболиски во Бугарија. Превратот беше придружен со безмилосен терор врз приврзаниците на Стамболиски, во кој учествуваше ВМРО на Тодор Александров.) Ќе укажеме на улогата на раководителите на ВМРО по тие настани, на преговорите што ги водеа тие претставниците на разните македонски и балкански, национални и политички, организации, за решенијата што ги донесоа тие, на обврските што ги прифатија. Ќе ги публикуваме во факсимили сите документи што ги носат потписите на тие раководители. Ќе ги посочиме измислиците, лагите, клеветите и фалсификатите што ги извршија тие во своите изјави и публикации. Ние ќе ги изложиме сите факти од нивната дејност, по предавство на Тодор Александров и Александар Протогеров во врска со прифатените обврски, и ќе докажеме дека навистина имало заговор, дека тој заговор бил организиран уште пред да биде убиен Тодор Александров, дека во него учествувале шефовите на ВМРО, на чело со Александар Протогеров, Иван Михајлов, Кирил Прличев, Георги Баждаров, Никола Томалевски, Јордан Бадев, Михаил Монев и владата на убијците на бугарскиот и македонскиот народ, и дека тој бил насочен против македонското ослободително движење во лицето на неговите највидни преставници.
По прочитувањето на оваа книга, ќе види македонскиот народ, ќе видат балканските народи, ќе види светското општествено мислење какви злосторници се луѓето што си го присфоиле името на Македонската револуционерна организација и кои рака за рака, претставуваат најтиранскиот и најзлосторнички режим што го познава светот – режимот на крвавата фашистичка диктатура во Бугарија – си поставија за цел да ги изубијат најзаслужните синови на Македонија, да ги угнетуваат македонските народни маси во Бугарија и во ,,петричкиот крај” (Во книгата на различни места се употребува терминот ,,Петрички крај” или ,, Петрички округ” и во едниот и во другиот случај се работи за Пиринска Македонија, чиј административен центар како округ бил градот Петрич.) да ја влошуваат положбата на македонскиот народ во Грција и во Србија, да ги продаваат интересите на поробените Македонци на балканската фашистичка реакција и на балканскиот имперјализам, да го опозорат името на македонското ослободително движење и – со тоа – да ѝ нанесат смртен удар на каузата на македонскиот народ.
ЦК на ВМРО (Обединета)
Според ЦК на ВМРО (Обединета) најголеми предавници во тоа време на Македонското дело и народ се генералот Цончев, поручникот Борис Сарафов, генералот Александар Протогеров и Тодор Александров. Некој од нив во служба на бугарската влада извршиле големи злосторства над македонската емиграција во Бугарија. На 9 јуни 1923 година заедно со најреакционерните сили бугарските буржоазија ја срушиле владата на Земјоделската партија на чело со Александар Стамболиски. Државниот удар беше проследен со безмилосен терор врз приврзаници на Стамболиски и Македонската интелегенција во Бугарија која се залагала за независна Македонија.
Во овие пресметки беа ликвидирани голем број на македонски револуционери и интелегенција која се залагала за независна Македонија. Меѓу нив и целокупното раководството на Илинденската организација како и внукот на Гоце Делчев, Тодор Чопов. Во овие масакри учествувала и бугарската влада на чело со Цанков, која со помош на војската ги овозможила овие масакри а посебно во Горна Џумаја.
Книгата вреди да се прочита и да се види со каква страст, алчност и жестина тогаш па и денес се нафрлуваат ПРЕДАВНИЦИТЕ на сопствениот народ и без милосно го уништуваат и тоа се за туѓи интереси односно за пусти пари.
🇲🇰🇲🇰🇲🇰В.М. 🇲🇰🇲🇰🇲🇰🇲🇰
Пишува: Ванчо Миленковски
