После серијата на отворено-упатени прозивки и предлози кон актуелната власт на Зоран Заев и СДСМ од страна на претставници на опозиционата ВМРО-ДПМНЕ, нема никаква реакција во врска со истите од страна на властодршците во државата.
Денеска повторно Генералниот секретар на ВМРО-ДПМНЕ Игор Јанушев ја констатираше ваквата неповолна состојба, при што упати и дополнителни прашања во јавноста до надлежните.
Целосната прес конференција на Игор Јанушев ја пренесуваме интегрално во продолжение:.
“СДСМ и Зоран Заев се пречка за остварување на правдата во Република Македонија. Аболираниот Зоран Заев подготвува терен за своја идна амнестија од Пендаровски. Зоран Заев станува заштитник на принципот на амнестија, и се плаши од испитувањето на потекло на имотот на политичарите. Зато Заев е должен пред граѓаните на Република Македонија да одговори на неколку прашања:
Зошто не го прифаќа барањето амнестијата да не важи за политичари и носители на функции, и амнестираните да не смеат да се занимаваат со политика? Од што се плаши Зоран Заев да прифати закон за испитување на потекло на имотот на политичарите?
Дали стравот од пораз на следните избори кои ќе значат крај на неговата политичка кариера е причината зошто не го прифаќа предлогот однапред да се знае кој ќе биде кандидат за мандатар на новата влада?
Дали тоа значи дека Заев грчевито се бори да биде заштитен од пратеничкиот имунитет?
Зошто Заев не сака поразениот на изборите да се соочи со одговорност за катастрофалните политики и за престапите пред законите и граѓаните?“
Потребни се одговори.
На политичарите чии политики се поразени од народот местото не им е во политиката. На 12-ти април доаѓаат промените и обновата на Македонија. А од 13-ти април доаѓа и одговорноста за политичарите кои го изневериле народот и ги прекршиле законите.”


