Според роковникот на Државната изборна комисија денеска започна пријавувањето за гласањето на Македонската дијаспора во странство во дипломатско конзуларните претставништва.
Според постојната законска регулатива тројца пратеници како претставници на Македонската дијаспора можат да седнат во пратеничките столчиња и директно да се борат за интересите на Македонската дијаспора во Македонскиот парламент.
Секој Македонец во странство ќе може да се регистрира по електронски пат на интернет апликацијата за таа намена подготвена од ДИК која што е достапна на следната интернет врска: https://dijaspora.sec.mk/ . Пријавувањето ќе трае до 11 март, по што ќе биде затворен избирачкиот список за граѓаните кои гласаат во странство.


