Зоран Заев од прес салата на Владата на Република Македонија претпладнево одржа прес конференција на која го претстави т.н. “Акција 21- Европски стандарди дома”.
Тој уште во почетокот на своето обраќање пред целокупната европска јавност ја обвини Европската Унија за неуспехот во процесот за започнување на преговорите на Македонија со Европската комисија.
“Дома нема да дозволиме неуспехот на Европската Унија со неодобрувањето на преговарачката рамка да предизвика застој во внатрешните реформи”.
Овој воведен штетен став на Зоран Заев во неговото обраќање наликува на реториката на дел од владините претставници од 2008 година после Букурешкиот самит кога Македонија беше блокирана од страна на грчката дипломатија во своите интеграциски напори тогаш.
Стагнацијата на политичките процеси и развојот на демократијата во несакани правци што следуваше потоа е своевидна лекција која што со ваквиот однос Зоран Заев ја повторува во сегашната констелација на односи.
Ова е и своевидна порака дека се бројат деновите на поддршка на меѓународната заедница во очи на Европската унија за политиките кои што самиот Заев ги практикува во државата а чии што негативни резултати се повеќе од очигледни за Македонските граѓани.
По блокадата од страна на Бугарија, Зоран Заев по примерот на Никола Груевски од 2008 година денеска брзоплето поита кон претставување на т.н. сет на мерки и програми именуван како “Акција 21- Европски стандарди дома”. За ваквите брзоплети потези за спас на политичката кариера на Зоран Заев видовме на каков начин завршија таквите политики наспроти блокираните евро-атлански перспективи на државата. Дополнително на штета на декларативните определби на Зоран Заев е неговата неспособност за водење на било каква економска политика која што може да се мери со капацитетот на реформи во тој дел на претходниот долгогодишен Премиер на Република Македонија. А за капацитетот на неговиот т.н. тим со кој е опкружен подобро воопшто и да не зборуваме.
Во обраќањето на Зоран Заев е очигледен плагијатот во однос на политиките на Никола Груевски за креирање на т.н. движење во ВМРО-ДПМНЕ со кое што се обиде да ги анимира сите прогресивни сили во државата на своја страна. Овојпат Зоран Заев го прави тоа од име на Премиер во владата каде очекува да му се придружат политички неистомисленици во име на прогресот на Република МАкедонија.
Повторно само блед обид да се креира нешто што не е здраво за политичкото опстојување и демократијата во државата која што е базирана на мултипартиски систем на уредување.
Овој обид не може да се реализира од едноставна причина што ваквата пракса е веќе неуспешно тестирана од страна на Никола Груевски, без конкретен одговор на прашањето за тајмингот и реализацијата на Македонските европски перспективи и предизвици.
Свртувајки го фокусот на својот политички делокруг кон внатрешноста на државата големи се шансите Македонија да зачекори во процес на воврдување на едноумие кое што се рефлектира од призмата на внатрепартиската “демократија” во СДСМ.
Од таква позиција Зоран Заев најави реформи во правосудството, борба против корупцијата, т.н. храбри чекори за заштита на природата, чекори за борба против Ковит-19. Секако една од главните теми на неговото обраќање беше декриминализацијата на Канабисот и поддршката на бизнис интересите кои што оваа земјоделска гранка ги има во последните 3 години откако неговата власт овозможи индустриска продукција на марихуана во Македонија.
Подолу во неговото обраќање се најде темата за т.н. нова македонска енергетика, која што видовме во последните три години како ги девастираше Македонските вештачки акумулации што се одрази на целокупната хидролошка состојба во државата. Дополнително Заев во веќе за него препознатливиот стил најави продажба на енергетски капацитети со кои располага државата а проектите на претходната влада на ВМРО-ДПМНЕ си ги претстави како свои за воведување на ветерници и фотонапонски централи ширум државата. Заев притоа не избегна повторно по којзнае кој пат да го вети гасот за употреба од Македонските граѓани, нешто што е дел од неговата вечна “ЌЕ-ПРОГРАМА” со кога се обидува да ги лаже граѓаните.
Во услови на ниво на најниска реализација на капитални инвестиции во изминатиот период во однос на патната, водоводната и канализационата инфраструктура Зоран Заев во негов стил повторно ветува модернизација на Коридорот 8 како и над 1,5 милијарди денари за водовод, канализација и проекти од патната инфраструктура.
Наредна “мудрост” од устата на премиерот Зоран Заев денеска беше спроведувањето на дигитализиран Попис на населението во државата но според најавите и на населението надвор од државата со што по којзнае кој пат Зоран Заев најверојатно ќе спроведе операција на штета на Македонското национално битие во Република Македонија.
Воведувањето на едноумието и ограничувањето на слободата на говор кое што Зоран Заев планира да го воведе преку неговата девета мерка насловена како “Стоп на дезинформациите” повеќе не се ни крие пресликано преку инструментализацијата на репресивните мерки на хибридниот режим на Заев.
На последно скалило на приоритети на т.н. Акција 21- Европски стандарди дома на Зоран Заев се наоѓаат новите економски мерки кои што најверојатно ќе бидат инструменти за извлекување на парите од граѓаните во полза на понатамошното партизирање на институциите под контрола на Зоран Заев.
Како резиме на целокупното обраќање на Зоран Заев во обид да се испере себеси од дебаклот во која ја втурна Македонија во изминатите 4 години можам да кажам дека “мали Зоран Заев сака да личи како Никола Груевски”, но тоа го прави на најнеспособниот, најпроѕирниот и најштетниот начин за граѓаните на Република Македонија, што ќе го помине дното во кое што досега живеевме.
П.С. Во одговор на новинарско прашање Зоран Заев повторно ја стави својата десна рака на срцето во добро препознатливиот негов стил на говор на тело во комуникација со јавноста, врз основа на кој што владее како најмоќен човек во Република Македонија.
Пишува: Кирчо Анастасов
