На 22 Декември во 1908 година која што е година на крстопат на цивилизациите (почетокот на конечниот пад на Отоманската империја, редефинирањето на колонијалната моќ во светски рамки и на Балканот) во предвечерието на Балканските војни и Првата Светска Војна во Велес е роден Коста (Кочо) Солев Рацин.
Гладот и сиромаштијата уште од најмали години биле својствени на човекот кој со својата мисла во иднината ќе му даде реална и нужна смисла на постоењето на Македонскиот литературен јазик.
Иако предвреме го напуштил своето образование, тој својот блескав интелект го градел во таванската соба на своето сиромашно грнчарско семејство под топлината и светлината на восочна свеќа која станала синоним-светилник за неговото неповторливо дело.
Моќта и свесноста кај Кочо Рацин за перцепција на суштината и природата за проблемите на неговиот народ уште од малолетнички денови станале негов сопатник а подоцна нераскинлив дел од неговото литературно дело.
Помеѓу двете светски војни станал член на Комунистичката партија на Кралството СХС.
Во 1939 година, во Самобор, до Загреб, била отпечатена на македонски јазик стихозбирката „Бели мугри“. Книгата била забранета од кралските власти, но сепак брзо се раширила меѓу македонското население.
Во 1941 година Рацин работел во Софија, но по смртта на Коле Неделковски, бил гонет од софиската полиција, па избегал во Скопје.
Тука работел во Народната библиотека, а живеел илегално. Малку подоцна се вклучил во партизанските одреди. Го издавал весникот „Илинденски пат“. Работел во партизанската печатница и подготвувал нова книга за печатење.
Во сомнителни околности загинал на планината Лопушник на 13.06.1943 година
За ликот и делото на Кочо Рацин се што може да биде напишано е малку во однос на неговата вистинска величина и значење.
Кочо Раци е идеолог, основоположник на Македонскиот современ литературен јазик заедно со неколкумина негови соборци и современици кои со своето творештво ги поставија темелите на татковината во која што сите ние денес живееме.
Неговиот животен и револуционерен пат е водилка за вистинските слободарски луѓе како и на кој начин треба да се води борбата за суштинска слобода на поединецот и државата во целост.
Во продолжение пренесуваме неколку наши написи кои се однесуваат на ликот и делото на Кочо Рацин:
