Бруталната платена про-владина пропаганда чија што основна цел е да го одржи Зоран Заев што подолго на власт без разлика на катастрофално лошите политики кои што го пробиваат секојдневно дното на квлаитет на живот пополека но сигурно го доживува својот зенит.
Аргументите пресликани во конкретни бројки кои што претставуваат индикатори за лошото владеење на актуелната власт предводена од Зоран Заев можат да се согледаат на сите полиња на општествено живеење и работа на политичкото лидерство во институциите на државата.
Радио Слободна Европа како медиум кој што е финансиран и со сретства од американските даночни обврзници во своја анализа ги предочува пред Македонската јавност фактите за движењето на растот на странските инвестиции во изминатите неколку години во Македонија. За првите два квартали од тековната 2020 година Радио Слободна Европа во својата анализа ја идентификува бројката од 119,5 милини евра странски директни инвестиции што е на најниско ниво во споредба со изминатите 7 години.
“Странските инвестиции два квартали по ред бележат пад, односно инвеститорите си ги повлекуваат парите. Власта вели виновна е кризата предизвикана од коронавирусот, но дека сепак и во тие услови има инвестиции, опозицијата забележува дека и за време на пандемија во регионот странските инвестиции бележат раст. Статистиката на Народна банка покажува дека и во третиот квартал странските директни инвестиции(СДИ) се во минус, односно инвеститорите си ги повлекуваат парите од земјата, а и покрај тоа што имало и нови инвестиции, сепак е забележан минус од 5,4 милиони евра странски инвестиции.”
-соопштуваат од РСЛ во нивната анализа.
Наспроти ваквите поразителни бројки на учинок на владините официјални лица кои што плата земаат од Македонските даночни обврзници, голем број на провладини мегафони го избегнуваат ваквиот податок а неколкумина од нив дури се обидуваат да ја манипулираат јавноста за ваквата катастрофално лоша состојба.
Вдомените т.н. ПР службеници во владините институции во нивните секојдневни теми за брифирање на јавноста информираат за се и сешто со тенденција на дефокус од реалните проблеми во Македонија и ваквата ПР болумента со ништо не го подобрува животот на граѓаните, туку напротив овозможува понатамошно тонење на стандардот на живеење за мнозинството граѓани.
Првите луѓе на финансиските институции надлежни за макро и микро економските состојби во Македонија под силно политичкко влијание на Зоран Заев и челниците на СДСМ за да се одржат на власт се приморани да пласираат делумни вистини со прикривање на реалните состојби, што ги прави соучесници во оваа организирана неспособност и незнаење за излез од актуелната состојба.
Позитивен момент во целата оваа несакана ситуација е што странски центри на моќ преку своја интелектуална елита овозможуваат продор на делови од вистината во јавност чија што видливост во иднина се надевам дека ќе се зголемува.
Пишува: Анастасов Кирчо
