Се повеќе загрижува “забеганоста” и отсуството на реален пристап на актуелната власт по однос на проблемите на Македонските граѓани.
Кога во сите агли на државата Македонските граѓани егзистираат стуткани поради неизвесноста која што ја носи утрешниот ден, еден од највисоките функционери на СДСМ Коста Петров кој што е директор на Фондат за иновации, троши 200 000 евра буџетски пари на сите граѓани за снимање на промотивни спотови и услуги за промоција на маркетинг агенции.
За ваквата појава денеска на прес конференција алармираше портпаролот на ВМРО-ДПМНЕ Димче Арсовски.
Во продолжение во целост ја пренесуваме неговата прес конференција:
“Државата тоне во рецесија, над 55.000 граѓани се отпуштени од работа и ги загубија своите работни места како резултат на корона пандемијата и економската криза, а директорот на Фондот за иновации си остварува детски соништа за 200.000 евра да биде актуелен и да се појавува на медиумите, изјави на денешната прес конференција.
– Коста Петров, кој е потпретседател на СДСМ и директор на Фондот за иновации, склучил рамковен договор со две маркетинг агенции во вредност од 200.000 евра. Само што дојде на функција. Малку му била една агенција, па склучил договор со уште една само за да си снима интервјуа и спотчиња во Фондот за иновации.Замислете, 55.000 граѓани останаа без работа, стопанството и приватните компании не можат на ред да стигнат до државна помош од фирмите блиски до СДСМ и на функционерите на СДСМ, но затоа Коста Петров како втор човек после Заев, се луксузира и си снима спотчиња и интервјуа за 200.000 евра, пари кои што се на граѓаните, вели Арсовски.
Тој посочи дека во ваква економски криза, ова е огромен скандал, кој го заслужува вниманието на јавноста и на институциите, секако и на медиумите кои први го обелоденија овој скандал.
– Затоа, прашуваме, дали Коста Петров со овие 200.000 евра има намера да ги преплати овие две агенции и тие подоцна да работат партиски агенди или веќе работеле за СДСМ, а не знаеме, или дали има намера преку овие две агенции да врши масовен поткуп со реклами на медиуми, што уште еднаш потенцираме дека е забрането законски и казниво со законј?
Како и да е, која и да му е намерата на Коста Петров, Фондот за иновации се покажа како златна кокошка за функционерите на СДСМ и за владата на СДСМ да испумпуваат пари, наместо парите да завршуваат онаму каде што треба како поддршка на стопанството или поддршка за иноваторите, тврди Арсовски.
– Чисто за споредба, со нешто повеќе од 200.000 евра се снима и режира нискобуџетен филм. Ова е начинот на кој СДСМ ги третира државните институции. Очигледно ова беше намерата за влез во политиката на Коста Петров и ова беше намерата да стане директор на Фондот за иновации. Коста Петров наместо да ги поддржува стопанството и иноваторите, тој си ги поддржува детските соништа да биде присутен на телевизија и тоа многу скапо за 200.000 евра.. Очекуваме одговорност за ова недомаќинско работење и очекуваме веднаш институциите да го преземат и истражат случајот, дециден е тој.”
