Во разговор во емисија на ТВ АЛФА членот на претседателството на Македонската организација ОМО Илинден Пирин од Бугарија Стојко Стојков ги изнесува во јавност деталите за суштинскиот проблем меѓу Македонија и Бугарија во однос на двете вета кои што соседна Бугарија ги наметна за да го спречи евроинтегративниот процес на Македонија.
Според Стојков суштинскиот проблем поради кој што Бугарија ја блокира Македонија за да ги започне пристапните преговори со ЕУ е постоењето на Македонското малцинство во Бугарија кое што според Стојков брои многу повеќе граѓани во однос на тоа што се прикажува.
Токму во тој контест е барањето на Бугарија Македонскиоте власти да ги повлечат своите малцински побарувања од Бугарија.
Суштинскиот проблем меѓу Македонија и Бугарија е Македонското малцинство и не само во овие пет точки, исто така и во меморандумот што беше порано и во декларацијата на парламентот итн. Се што бара Бугарија од Македонија се објаснува имено со тоа што таа сака на некој начин да гарантира дека нема никогаш никој да го покрене прашањето за Македонското малцинство и дека таа ќе може слободно да не асимилира до крај како што веќе го прави 50 години. Тоа е суштината.
И барањето за јазикот има иста основа како што тоа беше признаено во меморандумот, бидејки Македонскиот јазик се зборува и во граничните области на Бугарија т.е. во Пиринска Македонија. Акко се признае Македонски јазик, тоа е основа да се бара малцинство. Затоа Бугарија на секоја сцена бара да нема Македонски јазик. Исто така и спомените во историјата гледате дека сите се во насока да биде така преуредена историјата да биде невозможно да се зборува дека се појавило МАкедонско малцинство во Бугарија. Политика која што започнала во 1963 година и се уште нема застој- политика на асимилација на малцинството.
-соопшти Стојан Стојков- член на претседателството на Македонската организација ОМО ИЛИНДЕН ПИРИН од Бугарија.
Целата негова изјава може да се погледне во продолжение:
