Во државата Карнатака во Индија во Кодагу регионот живее воинственото племе Кодава. Овој дел од Индија е еден од побогатите региони каде што природните геоморфолошки и богат природен диверзитет овозможува просперитет на неговите жители.
За себе веруваат дека потекнуваат од припадниците на Македонската фаланга која што под водство на Александар III Македонски поминала во овие краишта каде се формирале т.н. бракови на цивилизациите (Македонската и Индиската) со големи масовни венчавки и свадби. Некои од војниците во Македонската фаланга кои го придружувале најголемиот Македонски освојувач Александар се вдомиле во овие краишта, се ожениле со локални жени и оставиле свое потомство чии што потомци денес веруваат дека се токму припадниците на племето Кодава. Невообичаено припадниците на Кодава племето се повисоки по физички раст од останатите племиња во околните региони. Овие горди и особено карактерни луѓе веруваат во култот на своите претци како и култот на природата, произведуваат кафе, се занимаваат со сточарство и земјоделство, ја имаат својата специфична кујна со многу зачини, но не ги забораваат своите обичаи и својата воинственост.
Некои историчари тврдат дека припадниците на Кодава заедницата во југозападна Индија се Курди кои потекнуваат од курдските региони на средниот исток западна Азија.
Кодава заедницата има свој посебен Coorg полк во индиската армија кои се познати по својата храброст и особени воени вештини.
