На темета “Што по законот за Јавно обвинителство” утрово Потпретседателот на ВМРО-ДПМНЕ Александар Николоски разговараше со новинарот Чомовски во емисијата “Утрински брифинг” на слободенпечат.мк.
Во однос на постапката за донесување на законот со повторено гласање на истиот Николоски соопшти:
“Јас може да го спoдeлам моето искуство, додека јас бев пратеник ваква работа не се случила односно не се случило да закон не биде изгласан и потоа претседател на Собрание, кој и да е да каже ќе го повториме гласањето, ова не важи затоа што не ни одговара. Прв пат јас гледам ситуација во која што законот не е изгласан и се повторува гласањето за 5 минути . Секако Уставниот Суд е една институција која што мора да се изјасни по однос на оваа работа затоа што немаше јасно изразена волја и не беа постигнати бројките. Доколку постојат и други инструменти денес нашиот правен тим секако дека ќе ги каже”.
Тој во своето гостување на прашањето во врска со Законот за ЈО односно дека функционери од Брисел велат дека е добро што овој закон е донесен во пресрет на можноста да се добие датум за преговори ги потенцираше следново:
-Било кој функционер надвор од Македонија секако дека ги гледа резултатите, а резултатот е дека законот е изгласан, а каква е содржината за законот е нешто што ќе се цени само доколку и ако се отворат преговори. Тие во моментот гледаат дека законот е донесен, честитаат како и за било кој друг договор претходно. Она што ме загрижува во однос на овој дел, мислам дека како што ќе доаѓаат изборите ќе има поларизација на нашите поддржувачи од една страна социјалистите, од друга страна десничарите од Европската народна партија. Тие пораки биле злоупотребувани во минатото, не гледам дека нема да бидат злоупотребувани и во кампањава. Не е тоа коректно но една таква ситуација на пример господинот Род е силен претставник на Социјал Демократската партија во Германија и таа пракса мислам дека треба да ја напуштиме после изборите
-истакна потпретседателот на ВМРО-ДПМНЕ Александар Николоски.
Интервјуто со Александар Николоски и Александар Чомовски може да се погледне во видеото во продолжение во термин меѓу 2.29.50 и 2.55.40
