На социјалните мрежи е објавено видеото од првиот и вториот дел од Гоцевата – комитска вечер, оддржана на 1-ви февруари, 2020.
Настанот се реализираше во организација на Македонската организација „Обединети Македонци“ од Канада а беше прикажана на ТВ програмата Македонски корени.
Во видеото на почетокот од гала вечерта може да се погледне настапот на Ансамблот “Македоника” со носии и мотиви од славното минато на Македонскиот народ.
Добредојде на присутните на оваа традиционална вечера им посака Претседателот на организацијата “Обединети Македонци” од Канада, г-дин Драги Стојковски.
Света панихида на настанот во спомен на сите загубени животи на олтарот на слободата на Македонскиот народ одржаа свештенослужители на Македонската православна црква од оваа епархија во Канада. Константин Митровски од името на неговиот свештенички ред упати пораки за заедништво, опстој и напредок на Македонците во Канада.
Со огромна чест и еуфорија беше поздравен говорот на маестро Игор Дурловски кој прими Плакета од Македонците во Канада за “Македонски непокор” поради неговите заложби и неговата работа за афирмација на Македонските вредности дома и во светот.
На настанот беше застапена и музичка програма како и пригоден рецитал посветен на Гоце Делчев во интерпретација на Македонски дечиња кои живеат во Канада.
Сvои говори потоа имаа и познатите активисти за Македонските права Благица Дафовска, Претседателот на црковниот одбор на црквата Св. Климент Охридски при МПЦ г-дин Владе Димитриевски, и Живе Македон Латиновски од Македонската организација “Лазов Андон Ќосето”.
На крај настанот заврши со големо Македонско оро со вечниот симбол на Македонците- Златно- жолтата ѕвезда од Кутлеш на црвена основа на чело на орото во рацете на маестро Игор Дурловски.
