Откако драстично скокна бројката на заразени лекари и здравствен персонал на луѓе кои се во првите редови за борба против епидемијата со Коронавирусот во последните денови, во јавноста се повеќе расте загриженоста на граѓаните во врска со развојот на кризата.
Здравствените работници заедно со полицијата и армијата се изложени на директен ризик од зараза со Ковит- 19 па затоа максималните напори на државата треба да бидат направени во таа насока за заштите и превенција од зараза бидејки тие се најважната карика во оваа сериозна битка.
За проблемите со кои се соочуваат здравствените работници во јавноста алармираше и Генералниот секретар на ВМРО-ДПМНЕ чија што реакција ја пренесуваме во целост:
“12% од заболените со корона се лекари и здравствен персонал. Тоа значи само едно, дека оние кои се во прва линија во борбата со епидемијата се незаштитени.
Наместо секојдневни прес конференции за заштита на рејтингот, Владата и Филипче нека направат нешто за заштита на здравствениот персонал, докторите и медицинските сестри.
Навистина е поразително поради недостиг на соодветна заштита и протоколи да се руши здравствениот систем и да страдаат оние кои најмногу и единствено можат да помогнат. Лекарите се оставени голораки да се спротивстават на силната епидемија. Тоа не смее да се дозволи. Потребна е итна реакција на министерот и обезбедување на сите потребни средства.
Да се делува одговорно и посветено, затоа што секој живот вреди!”
