Генералниот секретар на ВМРО-ДПМНЕ, Игор Јанушев преку писмено соопштение напиша: “ Премиерот Зоран Заев насила го турка прашањето за референдумот, само, како што пишува, за да ја покрие капитулацијата во преговорите со Грција и прифаќањето на капитулантски договор. Граѓаните ќе му кажат НЕ на Заев, зошто се против некој да си дели 10,5 милиони евра, народни пари, на фирми на своите советници и соработници. Граѓаните ќе му кажат НЕ на Заев, зошто се против обидот без срам да се украдат 35 милиони евра од здравството, пари на народот и да се доделат на фирми формирани пред само неколку месеци“. Јанушев во соопштението додаде и дека доколку референдумот не успее, граѓаните очекуваат да си замине од политиката.
