Заев и СДСМ си прават директни нарачки кај Комисијата за заразни болести, буквално онакви какви што им одговара за изборите да се одржат час поскоро. Сведоци сме на еден политичко – здравствен апсурд од кој најдебелиот крај ќе го извлечат граѓаните. Зошто и како? Одговорот е едноставен …
Задоволувањето на политичките интереси на Заев и СДСМ е ставено пред заштитата на здравјето на граѓаните, и тоа не од било кој, за жал од оние кои треба да бидат први во одбрана на интересите на сите нас. Се покажа и докажа дека Комисијата за заразни болести е само обична алатка во рацете на Зоран Заев и нему блиските и на народот тоа му е кристално јасно.
Па така, од експерт во својата област, Караџовски брзо се снајде во новата улога на политичар и слуга на Заев и без срам си застана во одбрана на нивните фотељи. Олабавувањето на мерките е со единствена цел – создавање на лажна атмосфера за брзи избори на кои Заев заедно со неговите пајташи се надеваат дека ќе извлечат жива глава.
Поразителната статистика од новозаболени и починати во последните неколку дена се уште не успеа да ги поколеба Заев и СДСМ од идејата за избори и не ги натера ниту на момент да помислат на здравјето на граѓаните. Најлесно е да обвинуваат друг кога самите немаат стратегија и не знаат во која насока тераат.
На својата нечиста совест ќе ги носат новозаболените и жртвите од смртоносниот вирус.
Бараме неотповиклива оставка од Комисијата за заразни болести, бараме одговорност! Затоа што веќе на сите им е јасно дека таа не работи самостојно туку под директен диктат на Заев. Тоа не смее така да продолжи! Компромис со здравјето на граѓаните не смее да има. Ништо не смее да биде поголем приоритет од тоа.
Престанете да манипулирате со луѓето само за да се извлечете од калта, уште подлабоко тонете во истата. Изборите кога и да се случат, вие “сметката” за сите овие нарачки дебело ќе ја платите, затоа што ова народот нема да ви го заборави!
