Кандидатот за градоначалник од редовите на ВМРО-ДПМНЕ за општина Лозовo Бошко Цветковски во јавноста алармираше за очајната состојба со јавната површина кај црквата “Св. Ѓорѓи” во село Ѓуземелци со која што актуелниот градоначалник Ацо Велковски само пред два месеци се фалеше дека ја уредил. Денес на самата локација можат да се видат руинирани градежни елементи, целото место обрасната со трева, исушена вегетација, неисчистено и заборавено од локалната власт.
Како иден градоначалник на Лозово Бошко Цветковски се обврза пред јавноста дека ваквата негативна пракса драстично ќе ја подобри, се со цел да изгради подобра општина Лозово за сите нејзини граѓани.
“Да ставиме крај на ПОПУЛИЗМОТ на Ацо Велковски.
Да не дозволуваме на овој начин да се уништуваат проекти за кои се потрошени илјадници евра народни пари и да ја промениме досегашната, општо позната пракса на “Проекти за една употреба”
Да ставиме КРАЈ на лошото менаџирање на Градоначалникот во заминување!!!
Ние знаеме и умееме
Заедно и сложно
За подобра Општина Лозово“
-напиша на фејсбук Бошко Цветковски во врска со овој проблем.
