Потребни состојки: За основата:
– 150 грама бисквити
– 100 грама путер
– 2 лажици какао
За кремот:
– 300 грама чоколадо за готвење
– 500 грама маскарпоне
– 200 грама шеќер во прав
– 250 милилитри шлаг пена
Стопете го путерот и искршете ги бисквитите на ситни парчиња (можете и да ги смелите за да добиете ситен прав), па ставете ги во него. Обложете калап за торта со хартија за печење, па сипете ја основата од бисквитите и путерот.
Подгответе ја шлаг пената според упатствата на пакувањето, додајте ѝ го маскарпонето, шеќерот во прав и растопеното чоколадо за готвење (внимавајте да не биде претопло, потребно е да биде само малку млако).
Мешајте додека не добиете мазна смеса и потоа прелијте ја на основата со бисквитите. Прекријте го калапот со нешто, а потоа ставете го во фрижидер.
Оставете ја тортата да отстои неколку часови за целосно да се олади.
