Претседателот на Општинскиот комитет на ВМРО-ДПМНЕ од Македонска Каменица Димчо Атанасовски денеска со свое соопштение се обрати во јавноста преку кое упати своја критика кон локалната власт во општината.
Истото го пренесуваме во целост во продолжение:
“Почитувани.
Со Македонска Каменица владее хибриден режим. Овој режим нема да биде запаметен по ништо друго освен по тоа што:
– вршеше сомнителни јавни набавки во општината и комуналното претпријатие
– вршеше злоупотреба на општинските ресурси за лични и партиски цели
– ја остави итната медицинска помош без возач и лична заштитна опрема во услови на корона кризата
– не изгради ни половина од ветените локални патишта и улици
– општинското знаме во кое се содржи сонцето од Кутлеш, веќе не се вее на јарболот пред општинската зграда
– продолжи со партиските вработувања и отпуштања, иако им вети на граѓаните спротивно од тоа
– и многу други работи кои времето ќе ги изнесе на виделина.
Почитувани.
На 15 јули имаме избори. На тој ден, на најбезбеден начин за нас и нашите најблиски, треба да се погрижиме со пенкало в рака да го поразиме овој хибриден режим, да му дадеме до знаење дека не ги прифаќаме неговите политики на централно и локално ниво. Да се обединиме сите против режимот и конечно да му ставиме крај на криминалот, корупцијата и неправдата.
Македонија не заборава.
ОК ВМРО-ДПМНЕ М.Каменица
Претседател
Димчо Атанасовски”
