Членот на Извршниот комитет на ВМРО-ДПМНЕ Драган Ковачки вечерва пред почетокот на протестот со автомобили за оставка на Зоран Заев и ослободување на народот во Делчево упати повеќе силни пораки до актуелната власт и во јавноста.
“Го изразуваме нашиот револт и овде сме да побараме оставка од Заев и целата таа негова антимакедонска клика која што ја има окупирано Македонија. Заев во моментот врши историска ревизија. Заев ја менува геополитиката на Балканот. Сака да создаде вештачка нација- Македонија во која што ќе живеат Македонци со блгарски происход. Заев може да се декларира Македонец со блгарски происход, меѓутоа тој може тоа да го прави само за себе. Тој не смее тоа да го прави за целата нација, тој нема мандат за тоа, никој не му го даде тоа право. Тој ако сака може да извади и бугарски пасош, како што тоа го направија некои негови претходници, меѓутоа Македонија не е негова прчија. Не смее да го распродава Македонскиот народ како да се наоѓа на тезга.
Затоа овде сме да повикаме, сите Македонци, Албанци, Роми, Турци, Власи да ни се приклучат во овие протести. Да го симнеме ова зло кое што и нанесува трајни последици на Република Македонија.
Јас би сакал да им се заблагодарам на сите Македонци кои што во моментот не поддржуваат.”
-изјави Драган Ковачки за порталот Делчево365.мк вечерва.
