Кога функционерите нема што да одговорат на овинувањата на опозицијата или молчат или ги палат провладините мегафони за да шират маглена завеса пред аргументите на јавноста. А кога тоа едноставно почна да не им успева функционерите на СДСМ излегуваат во јавност и кажуваат дека опозицијата шири лажни вести без соодветна аргументација во јавност.
Драган Ковачки иако во јавноста изнесе дузина аргументи и факти за неспособноста и штетното работење на Министерката за одбрана Радмила Шеќеринска, нејзе “мува не ја лази” и продолжува да ужива во министерската фотелја на трошок на граѓаните.
Во тој контекст денеска уште еднаш Ковачки ја повика Шеќеринска на одговорност преку социјалните мрежи:
“Секогаш кога СДСМ е исплашен, Шекеринска се заканува.
Сега се заканува со дисциплински постапки. Среќна Нова ‘49-та!
Па и закон ќе менувале за да ги спречат слободата на говорот и правото на јавен настап. Срамота, 30 години во политика, а да не се познаваат темелните вредности на Уставот. Ставањето на Вашите лични интереси во институционална рамка е неприфатливо.
Шекеринска во доза на нервоза, во своја одбрана повторно изнесува интерни состојби и процеси кои не се за јавна употреба. Ова е уште еден доказ дека за лична промоција и партиски напад, користи службени информации. Мислам дека сега нема потреба од нервоза. Нервоза требаше да има кога ја загрозивте безбедноста на државата со јавно објавување на класифицирани документи, а ниедна институција не поведе постапка за тоа. Тука требаше да е нервозата, затоа што системот го разградивте и го ставивте под партиска палка. Поразително!
Нервоза требаше да има кога ни враќаа луѓе од НАТО, а кои беа Ваш предлог. Од една страна служиме за подбив кај сојузниците, а од друга страна на нас гледаат со недоверба.
Нервоза треба да има кога на листата на најмоќни светски воени сили, сме рангирани 6 ама отпозади. Под Ваше раководство сме појаки од Суринам. Честитки!
Законите важат за сите подеднакво, нема потреба од нервоза, тука нема ништо лично. Тој што прекршил закони, треба да одговара, а не да дефокусира со лични напади и закани. Неумесно е, нели? Вашата глума и перформанс зачувајте ги за во кампања, сега е време е за одговорност.
Оставка!”
