Пионерите, носителите а сега веќе и ветераните на Македонската андерграунд сцена објавија (за авторот на овој текст) шокантна информација за нивно концертно повлекување на неопределено време.
Бернајс Пропаганда, 21-ви век, Мај тиар ќе се откажеле од концертни активности во иднина.
Оваа изјава доаѓа како земјотресна катаклизма за цел еден систем во кој што нема систем….
Слободно можам да кажам дека интимната светлина што овие музички имиња со себе ја зрачат за голем број генарации Македонци во минатото и што беа искра надеж во најмрачните кулоари во ова културно преживување на народот како страдалници во пустина прават потег кој што значи дека веќе дното е распарчено и почнува некаква нова чудна реалност без постоење.
ПА ДРАГИ ИДОЛИ НА МОЈАТА И ВЕРУВАМ НА МНОГУ ДРУГИ ГЕНЕРАЦИИ НЕ СТЕ НИТУ ФЕР НИТУ ВО ПРАВО ДА ГО НАЈАВУВАТЕ ОВА ВО ПРОДОЛЖЕНИЕ:
(Објава превземена од фејсбук)
ИСКРЕНО, концертите на 22 и 23 февруари во Младински Културен Центар ќе бидат наши последни на подолго време, ако не и последни кои некогаш ќе ги отсвириме!!! Едноставно, немаме повеќе сила да го работиме ова на високото ниво кое самите го наметнавме а и изморени сме од 13 годишната борба со културната мафија и слугите на големиот капитал. Иако дадовме се од себе да не се случи ова, едноставно го признаваме поразот и силата ја чуваме за нашите последни настапи Bernays Propaganda свири: Xaxaxa My tear 21 век Васко Атанасоски
-стои напишано на фејсбук страните на овие бендови.
Е сега да Ви кажам и зошто не сте ниту фер ниту во право со ова ваше сооптение.
Затоа што со вашето згаснување како уметнички израз, ја гасите последната искра на слободољубив уметнички израз под ова Македонско небо. Темнината не смее да победи, вашиот дух е многу повеќе од песна и звук… Вашето дело е храброст да се каже она што многумина репресирани не смеат и не можат да го кажат. Вашата појава влева надеж дека може да се опстои и покрај тоа што животот е негде-другде. Вашата енергија зрачи за многумина безгласни и немоќни, која едноставно ги прави луѓе.
Не смеете да објавите пораз затоа што времето кое што ќе дојде потоа ќе биде залудно. Што ќе ни е иднина без слика за сегашноста?
Таа слика која што вие низ вашето дело знаевте безкомпромисно да ја пренесете до сите пори на најодалечените пукнатини во ова неша мувлосано секојдневие.
Не прифаќам Ваше НЕ! Затоа што тоа е не на слободата и разумот а воедно и победа на ропството и лудилото…
Вака можем со денови да ви набројувам причини зошто не смеете да исчезнете од испуканото лице кое стои пред оваа напатена Македонска душа.
Верувам дека имате проблеми и тешки причини за ова што го објавувате. Впрочем како предводници на генерации пострадани транзициски жртви на народниот холокауст кој се режира над Македонското постоење со децении тоа е единственото логично слетство и исход.
Но јас верувам во силата на уметноста. Верувам во идеалите на Вашата културна револуција која така насушно му треба на овој народ.
И ќе дојдат подобри времиња… Во кои сите заедно ќе погледнеме во минатото, во оваа сурова битка која ги крои судбините на многу идни генерации Македонци… И ќе можеме на крајот од секој наш индивидуален пат да се погледнеме во огледало и да си кажеме:
ЈАС БЕВ ТАМУ И НЕ СЕ ОТКАЖАВ ОД БОРБАТА!
За сите лаици што немаат поим за што зборувам, редно е да ги погледнат следните видео клипови па барем малку од малку да им стане јасно за какво значење станува збор во култиролошка и цивилизациска смисла:
Прочитајте и
Промоција на спот и претпромоција на албумот “21 век”
Нова песна на андерграунд вулканот во Македонија
Изложба на љубовните картички од Кочо кон Раца
За сите осамени острови на слободарски копна во ова разбранувано море (наши читатели) можам само да упатам апел за поддршка во било каква смисла (која ќе им падне на памет) кон овие партизани кои врз основа на кажаното се пред истребување или во најмала рака пред претварање во музејски експонати на едно не така дамнешно време.
СЛОБОДАТА ДА ЖИВЕЕ!
ПА МАКАР И ПОД РОПСТВО!
