Најпрво сакам да ги повикам нашите роми кои што живеат во општина Шуто Оризари да сфатат дека наспроти паролата на СДСМ „живот доаѓа во Македонија“, животот не е дојден. Јас сакам да ги прашам сите дали животот доаѓа со вакви последици како што ми се случија на мене? Дали животот е тоа што треба да ме тепа и удира некој од нивна страна? Прашува кандидатот за градоначалник на општина Шуто Оризари Елвис Бајрам.
-Заради ова мислам дека сите на 15 октомври ќе ги казниме и ќе излеземе на гласање уште во првиот круг и да нема втор круг о Шуто Оризари. Верувајте дека мојата здравствена ситуација не ми добра воопшто, но дојдов пред вас да ве замолам сите да водите сметка понатаму што ќе се случи доколку другите дојдат на власт, тогаш вашите деца, вашите фамилии ќе се плашат и ќе ги истепаат како што ме истепаа и мене. Ова ви го кажувам од сето срце и душа и уште еднаш ве повикувам на 15 октомври да излезете да гласате за бројот 18 и за мене, а воедно и да гласате за градоначалникот на град Скопје Коце Трајановски, истакна Бајрам.
Тој вели дека СДСМ ги бркаат нивните деца од работа, им прават притисоци и им прават проблеми и ги уценуваат да се сликаат по нивни штабови.
-Ромскиот народ никогаш не сака да има војна, тој го сака својот народ , а го сака и ВМРО-ДПМНЕ кое има направено многу за овој народ. Ајде да се навратиме наназад, дали СДСМ имаат нешто направено за Шуто Оризари?, немаат, ама затоа морам да ги споменам изградбата на средното училиште во времето на ВМРО-ДПМНЕ, основното училиште доби и доградба од две нови училници, проблемот со водата во Шутка е решено за секогаш и сето тоа е направено во времето на владеењето на ВМРО-ДПМНЕ.
Извор: Курир
