“Веста е вистина. Не ми се верува дека го кажувам ова но нашиот брат Кит си го одзеде сопствениот живот преку викендот.
Шокиран сум -II- гневен, збунет и со скршено срце. Почивај во мир брат”
-напиша на инстаграм основачот на култниот бенд “The Prodigy”, Лијам Хаулит.
Сите значајни светски медиумски изданија денеска се преплавени од веста за трагичното самубиство на фронтменот и вокал на култниот и еден од најавангардните бендови во поновата музичка историја.
Од менаџментот на бендот The Prodigy во јавноста ја потврдија веста велејќи:
“Со најдлабок шок и тага ја потврдуваме веста за смртта на нашиот брат и најдобар другар Кит Флинт. Вистински пионер, иноватор и легенда. Засекогаш ќе ни недостига. Блчагодариме за почитта на приватноста на сите засегнати во ова време.”
Кит Флинт со неговиот панк изглед, со неговиот пирсинг, специфична фризура и интензивен поглед стана една од најголемите музички икони во Велика Британија во 90-тите години на минатиот век. Тој се придружи на бендот “The Prodigy” како танчер, подоцна станувајќи фронтмен на бендот заедно со раперот Максим. Покрај нивниот истоимен албум како името на бендот издаден во 1992 година, сите нивни албуми стигнаа до број 1 на топ листите во Велика Британија заедно со нивниот последен албум “No Touristas” издаден во ноември 2018 година.
Кит Флинт беше вокал на најпознатите синглови на бендот Firestarter и Breathe што и двата станаа број 1 синглови во Британија во 1996 година.
