Во сабота на 30 јули пред француската амбасада во Брисел Македонците кои живеат во Белгија ќе одржат масовен протест против т.н. француски предлог за решавање на спорот меѓу Македонија и Бугарија.
Според македонската дијаспора во Белгија станува збор за геноциден предлог со кој што се прави обид да се поништи вековното постоење на Македонскиот идентитет и народ под тутурство на францускиот претседател Макрон а во реализација на Бугарија.
Протестниот собир е закажан за 15.00 часот пред француската амбасада во Брисел и протест пред бугарската амбасада во 16.30 часот.
“Ги повикуваме сите Македонци кои што живеат во Белгија да ни се придружат на масовен протест пред француската и бугарската амбасада во сабота со почеток во 15.00 часот. Да кажеме големо НЕ за бугаризацијата на Република Македонија и договорот за т.н. пријателство заедно со протоколот наметнат од Бугарија со учество на Емануел Макрон.”
-стои во повикот на Македонците во Белгија.
