Една од најзначајните активности на Македонската заедница во Швајцарија е негувањето и изучувањето на МАкедонскиот јазик за децата на припадниците на Македонската дијаспора. Во тој контекст од нашинците во оваа европска земја се спроведуваат на волонтерска основа часови за изучување на Македонски јазик и култура за најмладите припадници на Македонската дијаспора. Ваквата пракса е присутна ширум светот на сите светски меридијани каде што голем број наставници по Македонски јазик и култура ревносно го продолжуваат својот благороден наставнички занает во функција на опстојување и унапредување на МАкедонскиот јазик.
“Успешно завршена школската учебна година по македонски јазик во Женева
Учиме македонски , нашето писмо е македонско и изучуваме историја и култура на Република Македонија.
Напорна учебна година која покрај редовните наставни програми во швајцарскиот образовен систем, учениците по дополнителна настава по македонски јазик во Швајцарија, изнаоѓаат позитивна енергија да го изучуваат јазикот на нивните родители.
Насмеани лица, детски жагор и сепак на крајот умерен умор од секојдневните активности .
Учиме македонски,
Да живее Република Македонија!
Женева, 20 јуни, 2022 година”
-соопшти Драган Стоиловски од Македонската заедница во Швајцарија.
