Кога ќе им продадеш идентитет, самочувство, име и презиме, надежи, морални вредности, знаме, грб, химна, територија, устав, почит…тогаш можеш да правиш што сакаш!?
Мирен народ, тих, сталожен, гостопримлив, со кубурот на појас за зло(сега нема ни курур, ни …), народ кој упорно ја чека поканата од девојката која стопати го излажала во минатото а упорно и верува како на жена со која е во брак 20 години, народ кој од најголема империја на планетата дозволи да му го оперираат ликот и да му сошијат маска која наликува на нешто-ништо, народ кој на власт толерира аморфна политичка маса спремна на се само и само за полно меше, тендери, бизниси и останати тракатанци…народ кој толерира ваква политичка гарнитура дали заслужува политички револвер во рацете??
Поделени, пацерирани и интелектуално оштетени единки практицираат шарена по урнек политика, на селективна правда, на беззаконие и принципи на немање база за ништо. Фрли коска-излези на Избори!
Пушти ваучери-полно меше една седмица! Кога нема надеж, кога нема план, најлесно е да платиш прескап ПР кој ќе бруе деноноќ дека СИТЕ СЕ ИСТИ, една секојдневна политичка РЕЛАТИВИЗАЦИЈА врз обесхрабрени луѓе…сета платена и употребена психологија е поопасна од сите Ковиди, вируси и бојни отрови и која остава страшни белези на менталното здравје на сограѓаните.Не се чудите кога ќе видете во иднина бројни психијатриски канцеларии, нови одделенија и сето во својство на една политика на немање идеи.
ХРАБРИТЕ ги следи среќата а УПОРНИТЕ успехот.
Не дозволувајте да ве убедат дека сите се исти…ако не повеќе разгледајте им го животот и проверете што оствариле во него.
Тргнете се од ПРАЗНИТЕ по ум и идеи а застанете до оние кои ВОДАТ со книга, со мастило, со матрица и наратив на победници, на успешни, на реални и ПРЕД СЕ НА ДОМАЌИНИ!
Пишува: Гоце Марков
