Ненадејно во предвечерието на одбележувањето на Денот на Македонската револуционерна борба Игор Дурловски најави повлекување од пратеничката функција.
Овој негов гест не е изненадување за неговите поддржувачи со кој што тој останува доследен на своите морални вредности.
Дурловски за оваа негова постапка соопшти дека мотив му било тоа што во пратеничка улога не може да го реализира тоа за кое што зборувал, додека по оваа негова оставка ќе продолжи да го прави тоа за кое што зборувал.
Во продолжение интегрално го пренесуваме фејсбук статусот на Игор Дурловски во коj тој зборува за оваа негова постапка:
“Националните интереси, правда за неправедно прогонетите и нормална држава за нашите деца беа/се мои приоритети.
Пратеничката фотеља боде кога политичката прагма станува поважна од моралот. Затоа, го напуштам Собранието на Република Македонија, а на колегите од Коалицијата „За обнова на Македонија“ им посакувам истрајност, доследност, мудрост, којашто сум сигурен дека ја имаат.
Тоа што го зборував не можам да го направам, но сега нема да зборувам а ќе продолжам да го правам! Останувам доследен на моите поддржувачи и нивниот глас.
Нека ни е честит денот на македонската револуционерна борба.


