Според информациите од Општина Виница започната е реконструкцијата на регионалниот пат од селото Бигла до село Драгобраште.
Во моментов се работи на подготовка на коловозот за асфалтирање на овој патен правец кој е од исклучително значење не само за општините Виница и Делчево туку и за сите граѓани на Р.Македонија.
Овој патен правец е предвиден и во програмата ЈП за државни патишта на Р.Македонија благодарение на ангажманите на градоначалниците на Виница и Делчево.
За оваа делница се предвидени 52 милиони денари од кои околу 30 милиони за територијата во општина Виница а останатиот дел за општина Делчево.
Моменталниот патен правец е во многу лоша состојба и потребна е итна санација на повеќе критични места. Во овој проект предвидено е патот од 3,5 метри да се прошири на 5 метри како и да се регулираат одводните канали со пропусти.
информираат од општина Виница.
