Во изминатиот викенд-сабота и недела Координаторот на Пратеничката група на ВМРО-ДПМНЕ во Македонскиот парламент, Никола Мицевски како и членот на Извршниот комитет на партијата Димитар Димовски остварија голем број на средби со жителите на Делчево и делчевско.
Во саботата тие беа во посета на селата Габрово, Ѕвегор и Град а наредниот ден во недела имаа можност да разменат мислења за актуелната состојба во државата со жителите на селата Разловци, Тработивиште и Вирче.
Од ОК на ВМРО-ДПМНЕ од Делчево во врска со теренските посети на овие високи партиски функционери излегоа со посебни соопштенија кои ги пренесуваме во целост:
Светол ден во Делчево и делчевско… Решителни и високо мотивирани лица и кажувања на делчевчани да се спротивстават на ненародната власт на Зоран Заев во Република Македонија.
Во посета на Делчево и делчевските села Габрово, Град и Ѕвегор во текот на денешниот ден беа Димитар Димовски, Пратеникот Никола Мицевски и Влатко Ристовски.
Заедно со членовите на Општинскиот комитет на ВМРО-ДПМНЕ од Делчево, Горанчо Тодоровски, Кристи Стојковски, Христина Смилевска и др. упатија охрабрување и надеж дека е дојден почетокот на крајот за злото во Македонија.
Градскиот пазар во Делчево полупразен со преполовен промет, загрижени пазарџии и граѓани кои пазарат.
Едните поради одложениот закон за зелените пазари кој што власта на Зоран Заев прво го наметна, па го одложи за после изборите за да не се почувствиваат лошите последици од истиот по работата и опстојувањето на пазарџиите.
Купувачите поради намалената куповна моќ и се помалиот број на прехрамбени производи кои можат да си ги дозволат во својата купувачка кошница.
Жителите на село, Габрово, село Ѕвегор и село Град имаат само едно на ум: Како да преживеат до први? Сметките за интернет им се преголеми затоа што неможат да ги платат а тоа им е единствената можност да се гледаат со нивните најблиски кои се во некоја европска и прекуокеанска земја….
Многу грешки, многу импровизации и злоупотреби…
Време е нештата од корен да се променат.
Првиот чекор се вика Гордана Силјановска Давкова-иден претседател и браник на интересите на народот: луѓето во селата, студентите-нејзината најголема вредност, учениците, работниците, професорите, наставниците…. Сите прогресивни луѓе во државата на кои им значи правото и правдата, чесноста и достоинственоста….
Се она што нашиот народ го носи во себе, а денеска е сузбиено од актуелната власт со лаги, измами, злоупотреби и закани.
Победата на Претседателските избори ќе значи и брзи предвремени парламентарни избори на кои народот ќе си ја поврати државата под своја закрила.
Село Разловци-некогаш столбот на Македонската гордост и непокор, денес е претворено во село на заборавот. Храбрите и горди Разловчани знаат како било лошо во различни временски периоди со години наназад зошто го имаат почувствувано на сопствен грб.
Но велат од ова полошо нема: Зоран Заев со шака платеници да го продава она за што генерации Македонци ја пролеале својата крв и ја поарчиле својата слобода.
Велат: Ова мора да престане!
Во подножјето на Голак лежи распослано родното Тработивиште… убаво и раскошно село со најубавото поле во овој дел од Република Македонија. Тоне во заборав, иако има одлични предиспозиции за развој. Треба решителност, мудрост, работливост и истрајност.
Се чини нема ништо полошо од празно село во доцна квечерина. Тоа може да се осети со самото влегување во село Вирче.
Оние малкумина работоспособни жители на селото велат:
“И ние ќе заминеме… дестинација странство, зошто сме прогонети во сопствената држава”. Живот??? Донесоа само лаги и ја злоупотребија добрината и надежта на луѓето за подобар живот….
Доста е! Оваа апатија и погром на Македонците во сопствената држава мора да запре!
Првиот скалник е 21 ви април со кој ќе започне падот на сите изневерени доверби и дрски и безобразни лаги.
Со Професорката Гордана Силјановска Давкова ќе се избориме за правда и правна држава.
Народот ќе покаже кој е газда во Република Македонија.
