Како директорка на болница во 2018 во време на СДСМ, се вработила како медицинска сестра во време на ВМРО-ДПМНЕ во Пехчево?
Дали рак раната на партизирани институции на Македонското современо општество продолжува да го завзема својот данок?
Колку таа партизираност е погубна за опстанокот и пресудна за било каков напредок кој отсуствува во периферните градови на маргините на Република Македонија?
Ова се само дел од суштинските прашања кои стојат неодговорени за жителите на Пехчево но и сите други помали градови на париферијата на државата.
Во помалите општини во Брегалничкиот регион партизираност на институциите според сите индикатори е најдиректно одговорна за уназадувањето и пропаста на градовите кои бележат негативни трендови по сите општествени параметри на развиеност.
Воопшто не се ретки сведоштвата и примерите на долгогодишни проблеми со кои се соочуваат граѓаните а кои не можат да бидат решени од постојната администрација во овие места.
Еден ваков пример на брутална партизираност на институциите е примерот со директорката на болницата во Пехчево која е поставена од страна на актуелната власт на СДСМ.
За да биде вистината уште по болна и загрижувачка актуелната директорка на болницата била вработена како главна медицинска сестра во истата болница во 2013 година во времето кога Министер за здравство беше Никола Тодоров.
Според извори од Општинскиот комитет на ВМРО-ДПМНЕ од Пехчево во 2013 година лицето Ирена Тодоровска се има зачленето во ВМРО-ДПМНЕ а нејзиното име се уште фигурира во партиската база на членови на сега опозиционата партија. Истите извори соопштуваат дека по зачленувањето во ВМРО-ДПМНЕ по извесен временски период добила вработување како главна медицинска сестра во болницата во Пехчево и тоа под директна надлежност и интервенција на тогашниот министер Никола Тодоров.
Во 2017 Ирена Тодоровска е назначена за директор на оваа институција од страна на надлежните во Министерството за здравство под контрола на СДСМ.
Дополнителен негативен куриозитет е што според добро информирани извори пак во ОО СДСМ Пехчево, сопругот на оваа директорка наголемо се подготвувал да стане Претседател на оваа општинска организација на власта.
Самата Ирена Тодоровска сега откако е поставена за раководно лице во оваа локална институција не се срами во јавност да ја покаже својата партиска наклонетост кон политиките на СДСМ, за што сведочат и низа на фотографии објавени на нејзиниот фејсбук профил.
За целиот овој период со години наназад, здравствените услуги за граѓаните во Пехчево ниту се подобрени, ниту има било какви најави за нивно подобрување.
Мешањето на партиите во работата на институциите е една од главните забелешки со години наназад на Европската комисија за Македонската администрација. И тоа не треба некој од надвор да дојде да ни го соопшшти затоа што повеќе од очигледни се резултатите на ваквата партизираност на администрацијата и институциите.
До кога ќе продолжи да се практикува ваквата партизација останува да видиме, а до тогаш можеме само да известуваме колку млади, но во последно време и колку возрасни граѓани ја напуштија Република Македонија.
Фотографиите се превземени од личниот профил на директорката на болницата во Пехчево.
