Очигледен е стравот на Митко Јанчев дека на наредните Локални избори кои што ќе се одржат во Кавадарци за помалку од една година, тој нема да биде кандидиран за втор мандат за градоначалник на оваа општина од редовите на опозицијата.
Несогласувањето на Митко Јанчев со стратешките одлуки на ВМРО-ДПМНЕ во изминатите 3 години и неговото профилирање во јавноста низ призмата на либерални и левичарски мерки и политики кои често беа поблиски со политиките на СДСМ и Зоран Заев, се главна суштинска причина за дистанцирањето на Јанчев од врвот на ВМРО-ДПМНЕ.
Впрочем Митко Јанчев е еден од највлијателните остатоци од времето на Груевизмот и тоа во неговата најлоша форма на екипирање на секакви политичари во ВМРО-ДПМНЕ до 2018 година без никаква идеолошка подлога и интерес.
Како градоначалник на општина Кавадарци избран од редовите на ВМРО-ДПМНЕ Митко Јанчев го крена својот глас на најбрутален начин против својата партија, најавувајки протест пред седиштето на опозицијата во Скопје.
И тоа во услови кога опозицијата се окрупнува и протестира против катастрофално лошите политики на власта предводена од Зоран Заев и СДСМ.
Јанчев иако не изразува амбиции за да го замени Мицкоски на претседателското место во ВМРО-ДПМНЕ, сепак од поголема важност му е да опстои на функцијата градоначалник во Кавадарци и во наредниот мандат каде што е базирана неговата бизнис империја.
Ваквата пракса на контра-протести на власта (Митко Јанчев како градоначалник) против опозицијата (ВМРО-ДПМНЕ во моментот), беше најпарадоксалната политичка определба за споменатото време на Груевизмот кога од позиција на власт тогашното раководство на ВМРО-ДПМНЕ организираше протести против тогаш опозиционата СДСМ.
Наместо да работи за интересот на кавадарчани, Јанчев ќе ја троши својата енергија на внатрепартиска борба во ВМРО-ДПМНЕ за превласт во партијата.
Легализмот и битката за право и правдина за кои што веќе подолг временски период се залага актуелното раководство на ВМРО-ДПМНЕ очигледно им пречи на одредени бизнис кругови во државата, чиј што најизвикан претставник во јавноста е токму Митко Јанчев, покрај неговата сегашна функција како градоначалник.
Јанчев во своето неодамнешно интервју за една јутјуб емисија соопшти дека планира повторно да биде градоначалник на Кавадарци, но ваквата негова желба речиси и да не е возможна без тој да биде кандидиран од некоја од поголемите политички партии, за која тој преферира повторно да биде ВМРО-ДПМНЕ; имајки го предвид надолниот тренд на влијанието на Зоран Заев и воопшто власта на СДСМ. И самиот Митко ЈЈанчев е свесен дека на наредните локални избори не може да се бори како независен кандидат против својата партија. Затоа тој сега ќе протестира за да го симне од претседателската функција во ВМРО-ДПМНЕ Претседателот Христијан Мицкоски кај кого не поминуваат бизнис-лоби приказните на цела една општествена каста на бизнисмени кои што на сомнителен начин се збогатија во изминатиот период на штета на Македонските граѓани..
Пишува: Кирчо Анастасов
