Пратеникот на ВМРО-ДПМНЕ Крсто Мукоски кој е еден од 33-цата обвинети цврсто укажа на тоа дека наводите на Основното јавно обвинителство не се вистинити. Мукоски тврди дека не постоела никаква комуникација помеѓу него и претставници на другите групи кои се обвинети. ОЈО беа нападнати дека се водат на претпоставки а не на факти и докази. „Ниту едно дејство што сме го направиле не сме го направиле со умисла, а не дај боже таа умисла да биде да го загрозиме уставниот поредок и да повредиме некого…Поради тешката квалификација и срамот и флеката со која сакаат да нè оцрнат, имам голема желба да докажеме која е вистината. Ќе докажеме дека сме чесни граѓани“
– изјави Мукоски.
