ИСТОРИСКИ ЗВРЧКИ LXX-дел
К И Л И М А Н Џ А Р О
Највисокиот планински врв во Африка се вика Килиманџаро.Висок е 5895 м и се наоѓа во Танзанија.Демек него го освоиле двајца германци во 1889 г. нели германците секаде биле освојувачи. Но тоа не е точно.Јас како познат и признат (само од мене) расветлувач на многу историски зврчки решив да ја расчистам и оваа заблуда.
Сто години пред крајот на 19 век еден наш човек по име Киро многу јадел манџа и луѓето го завикале Кили Манџаро бил во Африка.. Бил од Валожјето, од највисокото населено место во Македонија.
Многу го интересирало каде одат штрковите и другите преселни птици ,па како ,,паничерски безгрижник,,-поим за неработник ,еден ден тргнал преку Голак на југ. Одел,одел со месеци и по цели две години стигнал во подножјето на оваа планина,чиј врв бил вечно покриен со снег. Тамошното население верувало дека на врвот живеат лошите духови и многу се плашеле да се искачат на врвот.
Тој гајле си немал, дома во Валожјето снег знае да падне и на почетокот на октомври,ама тие таму црнците никогаш не виделе снег од близу. Се разбрал некако со нив (како Заев со грците и бугарите) и со себе повел еден од мештаните за да му ги носи торбите. Оделе и за една недела се качиле на врвот. Црнецот многу се радувал на снегот,наполнил една торба за да им го покаже на своите комшии,но кога биле на пол пат,снегот го снемало.Незнаел дека се стопил и си мислел дека тоа е ѓаволска работа.
Се симнале долу во селото се поздравиле и Кили решил да се враќа назад. На заминување го прашале како му е името, Тој им кажал дека се вика Киро ама оти многу јадел манџа дома го викале КИЛИМАНЏАРО. Така го завикале и врвот на планината во знак на почит кон нашиот Киро.Имаме ние многу познати историски личности,ама не се грижиме за нив.Самоил,уште еден Киро и Методи ,па Климент и Наум ги дадовме на бугарите…Сега уште да се ,,оттарасиме,, од Ѓорѓи Николов…
Пишува: Крум Николовски
