Во 1990 година оваа резидентна куќа во Чикаго градена во колонијален стил во 1920-тите години од минатиот век, беше исто така голема филмска ѕвезда како и малиот актер Меколи Калкин кој го играше Кевин во огромниот светски филмски хит “Сам Дома” (анг. Home Alone).
Неодамна оваа куќа беше забележана од објективот на фотографите кои работат со трговија на недвижнини, а препознаена во фановите на огромниот филмски хит од 90-тите години на минатиот век со што доживува нова светлина на популарност во светот. Цената на оваа “класична резиденција за инспиративно семејно живеење” е одредена на 2.4 милиони долари. Иако на куќата не се поставени новогодишните светилки по кои што таа беше препознатлива во филмскиот хит сепак внимателните очи на фановите ја забележија истата на страниците на повеќе огласници за недвижнини и веднаш предизвикаа фама и внимание во светската јавност.
Куќата се протега на околу 1300 м2 простор на три спрата во доста прометно опкружување на неколку блокови од Езерото Мичиген.
Сопствениците на имотот Џон и Синтија Абендшин живееле во куќата само 18 месеци кога Кристофер Колумбо- режисерот на првите два филмови “Сам Дома” ги контактирал со предлогот дека сака првиот дел од оваа филмска франшиза да го сними токму во нивната куќа.
Подоцна биле направени повеќе обиди со снимање на други филмови во оваа куќа но ниту еден не ја доживеал магијата на првиот дел од “Сам дома”.
